---( لـقـاء الحــروف )---
==((مساجلة شعرية رومانسية ))==
بين الشاعر محمد فتحى السيد
رئيس رابطة شعراء العامية المصرية
والشاعرة جيهان فتحى خنساء الاسكندرية
مديرة موقع رابطة شعراء العامية المصرية
على الــــــــــــــــــــــــــــــفيس بوك
و إليكم ==(( لقاء الحرووووووف ))==
_________________________
====================
محمد
ياعيون القمر انتى
بحرى وموجى وسفينتى
فيكى المراسى
ياحاسه احساسى
ياصحبتى وناسى
ياتاج على راسى
والمملكه انتى
____________________
جيهان
عيون القمر عشقاك ..
قلبك حرير وسماك ..
متزينة نجومي ..
بلم أنا هدومي ..
وأنا داخلة محرابك ..
يخايلني ضي بهاك
__________________
محمد
ده انعكاس نورك
من قلبك الشفاف
غرقنى فى بحورك
ورموشك الصفصاف
رافضه تغطينى
بيت الياقوت والماس
ف عينيكى خبينى
انا دوبت م الاحساس
__________________
جيهان
أنا دوبت من قبلك ..
من همسة من قلبك ..
رسمت لكوني مدار ..
احضني بين كفك ..
دوبني ف ملامحك ..
اقفل علية محار ..
يا كل احساسي ..
دونك نسيت ناسي ..
اعزفني ع الأوتار
_____________________
محمد
الله على الألحان
اشجينى اشجينى
عملت قلب كمان
اوتاره شراينى
والريشه شعت نور
من لحنك النادر
غنت بنات الحور
صبح الوجود ساحر
_____________________
جيهان
يا لحن ألحاني ..
دايبة ف وجداني ..
كل حروف الشوق ..
هركب معدية ..
وحنيني ف ادية ..
يصفى الوجود ويروق ..
قلبي حمام زاجل ..
حبك قرار عاجل ..
ونطير سوا على فوق
_____________________
محمد
كان الجناح مكسور
لكن بحبك نما
كل الوجود مبهور
من حبنا فى السما
كل الهموم اختفت
يااحلى بنيه
حتى النجوم استحت
وايديكى ف ايديا
يـ اللى غرامك ملك
روحى وحواشيا
انسيه ولا ملك
بث الحنان فيا ؟؟؟
______________________
جيهان
حبك سرى فيا ..
والأصل جنيه ..
شوفت الحنان منك ..
لقتني بلطيه ..
بعوم ف شريانك ..
والنبض أغنيه ..
يا عشق كل الكون ..
موصوفلي قلب حنون ..
بس انت دوب فيا
_____________________
محمد
احبك موت احبك موت
واتوه وياكى فى الملكوت
وانا صاحى وانا نايم
وانا رايق وانا مضغوط
احبك موت احبك موت
اشم عبير فى انفاسك
واشرب شهد من كاسك
ولما تنطقى اسمى
اضيع بين الصدى والصوت
واحبك موت احبك موت
_______________________
الى اللقاء فى مسجالة اخرى
